Agerre-Santa Teresa hirigunea berriro urbanizatu eta birsortzeko proiektua onartzea edo ez ere aztertuko dute.
Berbagai izango dituzte, baita ere, urbanoaren geralekuak. Hain zuzen ere, geraleku horiek seinaleztatzeko mugarriak erosi eta jartzeko proposamena aztertuko dute. Gaur egun ez daude seinaleztatuta, eta ohiko erabiltzailea izan ezean, zaila da jakitea zeintzuk diren urbanoaren geralekuak.
Horrez gainera, Santa Barbara parkean argiteria berritzeko proiektua landuko dute gaur eta aztergai izango dute, baita ere, baserri auzoetako alkateei ordaindu beharreko diru kopuruak ordezkaritza gastuetarako, agiriak banatzeko eta baserrietako argi lekuetarako.
Eta bestelakoen artean, berbagai izango due, Arrasateko Udalak ikasleendako antolatzen dituen aktibitateak eta dituen zerbitzuak jasoko duen liburuxka argitaratzeko proposamena.
Esandako moduan, hori guztia eta gehiago landuko dute arratsaldeko 15:00etatik aurrera.