Bozeramaileen batzordea bildu da arratsaldean udaletxean. PSE-EEko udal taldeak sei puntuko eskaera egin du; horietatik lau onartu dituzte. EAEk izan ezik, gainontzeko alderdi guztiek bozkatu dute lau puntu horien alde. Udal gobernua hautsiko dela dioten zurrumurruei dagokienez, Ander Rodriguezek, Ezker Batuko zinegotziak adierazi du EAEren balorazioaren zain daudela.
Hauxek dira onartu dituzten puntuak:
- Atentatuaren gaitzespen borobila
- Isaias Carrascoren hil-kapera udaletxean jarriko dute gaur, egubakoitza, 21:30ean.
- Eudelek bihar, zapatua, 12:00tarako deitu duen kontzentrazioan parte hartzeko deia.
- Astelehenerako manifestazioa iragarri dute, 19:00etan.
Atzera bota dituzte puntu hauek:
- Udaletxeko eraikin kanpoaldean preso politikoen gaineko ikur guztiak kentzea.
- Alkateak udaletxea bertan behera uzteko eskaera hil-kapera dagoen bitartean. Izan ere, bere presentzia lotsagarria dela esan dute.
Hileta
Bihar, zapatua, 17:00etan, hileta egingo da San Joan Bataiatzailearen parrokian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak