Arrasateko euskaltegietan matrikulazioa zabalik dago
Aitziber Aranburuzabala Juldain
2009ko ira. 15a, 15:02
Arrasateko AEK eta Udal Euskaltegian zabaldu dute aurtengo matrikulazio epea. Hain zuzen ere, Udal Euskaltegiak gaur, martitzena, arratsaldean aurkeztuko du 2009-2010 ikasturtea; AEKri dagokionez, ikasturte berriko eskaintzaz aparte, aurten, AEK erakundeak 30 urte betetzen dituela-eta, ospakizunak prestatzen ere hasita daude.
Arrasate Irratia gaur goizean, bada, herrian dauden bi euskaltegietaraino hurbildu da ikasturte honetarako dituzten asmoen gainean galdezka; hori horrela, jarraian dituzue entzungai, Arrasateko Udal Euskaltegiko arduradunak, Amaia Aranak kontatutakoak eta Oskar Elizburuk, Debagoieneko AEKko arduradunak azaldutakoak, hurrenez-hurren.