Arrasateko euskalkiaren gaineko ikastaroaren hasiera parte hartuko dutenen esku dago. Bi aukera dituzte: astean zehar egin edo asteburuetan. Bada noiz egin parte-hartzaileek eurek erabaki beharko dute.
Hala, horren harira, AEDtik abisatu dute luzatu egin dutela izena emateko epe hori. Gaur bukatu behar zen, baina oraindik, datozen egunotan, behintzat, izango da izena emateko aukera.
Beraz, horixe, interesa duen edozeinek AEDren egoitzara jo behar du, Pablo Uranga kalean edo telefonoz deitu, honako zenbakira 943 77 12 28 (Mirari). Parte hartzeko ordaindu behar da 50 euro; bazkideek,berriz, 40 euro.
Ikastaroa izango da 20 ordukoa. Euskaraz komunikatzeko gaitasuna duen edozeini dago zuzenduta. Izan ere, bereziki ahozko hizkera landuko dute: aditzak, morfologia, erdarakadak, gure altxorrak eta beste. Irakaslea izango da Joserra Agirreurreta, Udal Euskaltegiko irakaslea.