Arrasatearrek sei barrutitan bozkatu zuten atzo. Bozkatu zutenek, behintzat. Izan ere, horixe da atzoko emaitzetatik ateratzen den ondorio nagusia: herritar gutxik jo zuela hautesontzietara. Arrasaten abstentzioa %59,69 izan zen.
Erdikaldean Iniziatiba
Erdikaldean joera orokorra apurtu eta Iniziatiba Internazionalistak eskuratu ditu boto gehien; bigarren indarra, berriz, EAJ da; hirugarrena, alderdi sozialista; laugarren lekuan geratu da Aralar eta EAk osatutako koalizioa, Ezkertiarrak eta abertzaleak izenekoa eta bosgarren PP.
Santamainan, PSOE
Santamainara bagoaz, berriz, alderdi sozialistak eskuratu du boto kopururik altuena eta alderdi popularra geratu da bigarren lekuan; haren ostean Iniziatiba Internazionalistakoak datoz, laugarren lekuan geratu da EAJ eta bosgarren lekuan Ezker Batua-Berdeak geratu da.
Musakolan Iniziatiba
Musakolako datuak aztertuko ditugu segidan. Han Iniziatiba Internazionalista izan da aurrenengoa; alderdi sozialista geratu da bigarren, EAJ hirugarren eta Aralar eta Earen koalizioa laugarren; Ppk eskuratu du Musakolan bosgarren postua.
San Andresen eta Uribarrin, PSOE
San Andres auzora bagoaz, berriz, alderdi sozialista aurkituko dugu garaile; EAJ dator hurrengo eta Iniziatiba Internazionalista hirugarren; PP laugarren izan zen eta bosgarren, berriz, Aralar-EA.
Uribarrin ere alderdi sozialista aurkituko dugu garaile eta haren atzetik Iniziatiba Internazionalista; EAJ geratu da hirugarren, Aralar-EA laugarren eta PP bosgarren.
Nekazariek Iniziatiba Internazionalista
Nekazal auzoen emaitzak bukatzeko. Nekazarien artean Iniziatiba Internazionalistak eskuratu ditu boto gehien; EAJk eskuratu du bigarren lekua; Ppk hiriugarrena, EA-Aralarrek laugarrena eta alderdi sozialista izan da bosgarren.