Gernikako sinadurarekin "baikor" Arrasateko Alkartetxean

Mahaiaren bueltan elkartu dira gaur eguerdian (zapatua) Arrasateko eta inguruko Eusko Alkartasunako hainbat kide, alderdiaren Arrasateko egoitzaren 24. urteurrena ospatzeko. Gonbidatuen artean, hantxe izan dute Pello Urizar, EAko presidentea eta Arrasateko EAren arduraduna, Rafael Larreina, exekutiba nazionaleko kidea, Amaia Larrañaga batzarkide ohia eta Arrasateko zinegotzi ohia, eta besteak beste, Iñaki Agirrezabalaga, Zumaiako alkatea.

Gernikako sinaduraren garrantzia azaldu die Larreinak alderdikideei eta oro har, "baikor" azaldu dira EAko kideak Euskal Herrian somatzen den "jarrera aldaketa" ikusita.

Pello Urizar berak berehala alde egin behar izan du, 17:00etarako Gernikan izateko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.