Arrasatearrak Euskadiko Txapelketan

Arrasateko ordezkaritza izango da asteburuan Leioan (Bizkaia) jokatuko duten gimnasia erritmikoko Euskadiko Txapelketan. Jubenil eta kadete mailan parte hartuko dute arrasatearrek, bakarka zein taldeka.

Jubenil mailan maza eta zintarekin erakustaldiak egingo dituzte Nerea Otxoak, Ane Ormaetxeak eta Miren Errazkinek. Zapatuan dute horiek hitzordua.

Kadete mailan, berriz, uztaiak eta mazak eskuetan dituztela, honako gimnasta hauek lehiatuko dira: Eider Etxebarria, Olatz Fernandez, Paula San Miguel, Aintzane Rodriguez eta Ainhoa Delgado. Domekan izango da euren txanda.

Bigarren postua

Bestalde, aipatzekoa da Beñat Arizabaleta gimnasta gazteak bigarren postua eskuratu zuela infantil mailan joan den asteburuan, Euskadiko Eskolarteko Jokoetan.

Asteburuko ekitaldiarekin agurtu egingo dute Arrasateko gimnastek 2009-2010 ikasturtea. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.