Arrasate pasealekuan bi noranzkodun bidean lurpeko edukiontziak egingo dituzte

Gipuzkoako Foruen plazatik hasita, San Viator handi ingururainoko zatia da konponduko dutena. Asmatu enpresak egindako proiektuaren arabera, Udalak 600.000 euro baino gehiagoko inbertsioa egin beharko du berrikuntza lan horiek gauzatzeko. Hain zuzen ere, kalea zolatzeko lanek eramango dute diru zatirik handiena, Santa Barbara parkearen kontrako zatian, bereziki.

Obra Sailetik azaldutakoaren arabera, Foruen plazatik San Viator Handirainoko kale zati horretan bi noranzko dituen errepidea egingo dute eta aparkalekuak egokituko dituzte, errenkada bakarrean.

Horrekin batera, espaloiak handitu egingo dituzte, gaur egun daudenak oso estuak direlako. Eta azpiegiturekin lotuta, besteak beste, lur azpiko lau edukiontzi ipiniko dituzte eta oro har, saneamendua eta argiteria berritu egingo dituzte.

Esandako moduan, hori guztia idatzita dago eta Udalak oraingo astean onartu egin du proiektua. Hain zuzen ere, datozen lau urteotarako Udalak aurreikusitako inbertsio planen barruan dago Arrasate Pasealekua berritzea. Hori horrela, oraindik ez dute obrak egiteko datarik zehaztu. Hori bai, jakinarazi dute 2008ko aurrekontuan ez dagoela obra hori aurreikusita. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.