Arrasate Musikalen gaineko txostena, gaur

Asteleheneroko batzarra egingo du gaur udal gobernuak. Eusko Abertzale Ekintzako eta Ezker Batua-Zutik koalizioko ordezkariek, besteak beste, berbagai izango dituzte Aprendizen Eskolaren egoera, Arrasateko Irisgarritasun Plan berria eta Sexologia zerbitzuaren urritik abendura arteko egitaraua.

Obrei dagokienez, gaur aurkeztuko dute Arrasate Musikal edo Aprendizen Eskola izeneko eraikinean egindako kata eta eskoratze lanen gaineko txostena. Santa Barbara parkean argiteria publikoa berritzeko proiektua onartzeko proposatuko dute eta gaur aurkeztuko dute, baita ere, Arrasateko Irisgarritasun Plan berria.

Kultura eta hezkuntza kontuei dagokienez, berriz, 2007-2008 ikasturteko Bide Hezkuntza jardueraren programazioa aurkeztuko dute, gobernuak onar dezan. Bestalde, Corazon de Encina elkarteak egindako eskaera bat aztertu beharko dute; hain zuzen ere, Extremadurako Ogi mamien eguna antolatzeko laguntza eskatu dio Udalari Corazon de Encina elkarteak. Eta Governors musika taldeak dirulaguntza eskatu dio Udalari bere disko berrirako.

Bestelako gaien artean, sexologia zerbitzuaren urritik abendura bitarteko egitarauari onespena eman edo ez aztertuko beharko dute zinegotziek eta lan eskaintza bat ere berbagai izango dute, izan ere, obra teknikari bat kontratatu gura du Udalak. Bitarteko izaeraz kontratatu gura du eta gaur hautaketa prozesurako oinarri arauak eta hautaketa prozesua deitzea aztertuko dute.

Hori guztia egingo dute gaur arratsaldean, 15:00etan hasita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.