XX. Arrasate Lehiaketen sari banaketa jendetsua

XX. Arrasate Lehiaketen saridunek diploma eta ordain saria jaso zuten. Iraitz Agirre, aurtengo edizioa antolatzen ibili da eta jakinarazi digunez, aurten, ez dira sari guztiak eman. "Kantitatean lan dezente jaso diren arren, askotan ez da saria emateko mailarik izan, eta epaimahaiak sariok ez ematea erabaki du." Sari banaketa aurretik Manex Agirre, Gaizka Amondarain eta Markok "Zeru Gaineko Berlin" ikus-entzunezkoa egin zuten, 50 bat lagunen aurrean.

Irabazleak

Saridunei dagozkienez, bertso paperetan, 59 lanen artean aukeratu zituzten Irune Lasaga, Maddi Labaien eta Xabi Igoarena. Ipuinetan, 41en artean saritu zituzten Josune Milan, Juan Jose Caceres, Maddi Bengoetxea eta Oihane Urtzelai. Poesian, 11 lanen artean aukeratu zituzten Oihane Urtzelai, Karmen Idoate eta Ainhoa Lizarralde. Eta komikietan, 7 lanen artean aukeratu zituzten Jon Urkizu, Lexuri Merino, Ainara Oribe eta Michael Marcos.