Udala osatzeko batzarra gaur, ekainak 16, egin dute 12:00etan hasita. Bozketan ez du alkategai batek ere gehiengo osoa lortu eta beraz, zerrenda bozkatueneko alkategaia izendatu dute alkate: Ino Galparsorok. Hari bere alderdikideek eta Aralarrek eman diote botoa lehen itzulian.
Aurreikusitakoa bete da gaur kargu-hartze batzarrean eta EAE-ANVko
zerrendaburua, Ino Galparsoro da Arrasateko alkatea. Adin Mahaiaren
aurrean. "Legeak behartuta" zin egin eta kargua hartu du Galparsorok.
Herritarrez gainezka egon da aretoa, ezker abertzalearen aldekoak
gehienak haien alderdikideei babesa ematen eta "demokraziaren aldeko"
oihuekin.
Bozketari dagokionez, normaltasunez eta aurreikusitakoaren arabera joan
da, Aralarrek izan ezik, zinegotzi bakoitzak haren zerrendaburuaren
alde egin du. Hori horrela, EAE-ANVren eta Aralarren botuekin (7+1) Ino Galparsoro da alkate.
Hala, gehiengo absoluturik ez da erdietsi eta legeak zehazten duen moduan zerrendarik bozkatuenaren burua izan da alkate.
Kargu-hartze ekitaldiaren irudiak
Arrasateko Udaleko udalbatza berria. Alderdi sozialistako ordezkariek ez dute argazkian ateratzerik nahi izan, euren esanetan, udalbatza "ofiziala izan arte".
