Arizona Baby taldearen rock akustikoa, bihar Amaian Antzokian

Izenagatik bestelakoa dirudien arren, Arizona Babyko mutilek rock akustikoa egiten dute. Eta ez edonolako rocka. Indar izugarria duen musika egiten du Valladolideko hirukoteak. Javier Vielva, Ruben Marron eta Marcos Ubedak osatzen dute Arizona Baby rock taldea. Gitarra akustikoa eta perkusioa bakarrik erabiltzen dute Valladolideko musikariek.

Arizona Baby hirukoteak Second to None lana aurkeztuko du Amaian. Esan bezala, kontzertua 20:00etan hasiko da eta sarrera bost euro kostako da.

Zazpi urte musika munduan

Vielva, Marron eta Ubeda 2003an hasi ziren musika munduan. 2005ean aurkeztu zuten lehenengo diskoa, Song to sing along. Bigarren diskoa, ostera, gaur aurkeztuko dutena da. Paco Locoren zuzendaritzapean grabatu dute diskoa Puerto de Santa Marian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.