Arizmendiarrietaren kanonizatze-prozesuaren ekitaldia gaur, Donostiako katedralean

Bestela esanda, gaurko ekitaldiaren ostean, kanonizatze-prozesurako agiriak Santuen Kausetarako Idazkaritzaren esku utziko dituzte, Erromaren esku, beraz.

Gaur Elizbarrutiak egingo duen amaierako ekitaldiari dagokionez, Donostian egin dute hitzordua, 19:00etan, Artzain Onaren katedralean. Joan Maria Uriarte Gotzainak gidatuko du ekitaldia. Eta besteak beste, hantxe izango dira Arizmendiarrietaren senideak, gure ibarreko jarraitzaileen ordezkaritza, apaizak, Arizmendiarrietaren lagunak, elizbarrutiko kolaboratzaileak eta jakina, bestelako eliztarrak ere bai.

Guztiek batera ospatuko dute, beraz, gaur iluntzean Eukaristia, eta horren amaierarekin bukatuko dute elizbarrutian bideratutako fase diozesiarra.