Arizmendi Topaketak: kooperatibak krisi ekonomikoaren aurrean

Gaur, eguena, egingo dira topaketak Mondragon Goi Eskola Politeknikoan, 18:45ean. Joseba Azkarraga eta Larraitz Altuna LANKIko kideek "La Experiencia Cooperativa de Mondragón. Una síntesis general" liburua aurkeztuko dute. Ondoren, George Cheneyk hitzaldia egingo du izenburu honekin: "Las cooperativas ante la crisis económica mundial: responsabilidades y oportunidades en el futuro mercado global".

George Cheney komunikazioko irakaslea da eta erakundeen aholkularia herrialde askotan (Danimarka, Espainia, Herbehereak, Mexiko, Kolonbia eta India). Zuzendari edo partaide izan da proiektu praktiko askotan arlo hauetan: erakunde-komunikazioa, lantokiko parte-hartzea, lanbide-etika eta lan-bizitzaren kalitatea.

1999-2002an sarituriko bere liburuak (Values at Work: Employee Participation Meets Market Pressure at Mondragon) Mondragon kooperatibek beren demokrazia, berdintasun eta elkartasun balioei eusteko egiten duten borroka aztertzen du, merkatu globalean lehiatzen diren bitartean.

Bestalde, Bake eta Gatazka Azterketatarako zuzendaria eta Giza Eskubideak Indarkeriarik Gabe Defenditzeko Barbara L. eta Norman C. Tanner Zentroko zuzendaria da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.