Argiteria publikoa aztergai, gaurko batzarrean

Astelehenerokoari segituz, gaur batzarra egingo du udal gobernuak. Laburra izango da, gai gutxi dituzte-eta aurreikusita zerrendan. Batzuk aipatzearren, herriko zenbait puntutako argiteria berritzeko lanen adjudikazioa erabakiko dute. Tartean, zerrendan dute Uribe kaleko argiteria publikoa berritzeko asmoa dutela.

Horrez gainera, Olarte edo Garibai etorbideko hainbat bizilagunek aurkeztutako kexuen harira, batetik, Olarten dagoen Dat tabernan eta bestetik Garibai etorbidean dagoen Garibai tabernan sonografoa ipini zuen Udalak. Bada, sonografo horiek erregistratutako datuen txostenak aurkeztuko dituzte gaur.

Badakizue zarata eta ordutegiaren gaineko datuek gainditu egiten badute legeak ezarritako muga, espediente zigortzailea zabalduko duela Arrasateko Udalak, kasu horretan, Dat eta Garibai tabernen kontra.

Eta beste gairen bat aipatzearren, berbagai izango dute gaur Muxibar inguruan eraikitzen dabiltzan garajeen gaia. Iragartzen dute proposamen bat egin behar dutela garaje horietan ibilgailuen barne zirkulazioaren  gainean.

Hori guztia landuko dute, gaur 15:00etan hasita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.