Orain dela hilabete Euskadiko txapelketa jokatu zen Arrasaten Mondragon Unibertsitateak antolatuta. Orain, txapelketa hartan irabazleak izan ziren taldeak Espainiako txapelketan buru belarri sartuta daude.
Nesken areto futboleko Espainiako txapelketako lehenengo fasea antolatzea egokitu zaio Mondragon Unibertsitateari. Astelehenean hasita, Estatuko zazpi unibertsitateko kirolariak egon dira gurean.
Unibertsitateak
Ramon Llul, Valentzia, Murtzia, Cordoba, Tenerife, Nafarroa eta Mondragon Unibertsitatea ibili dira nor baino nor gehiago asteon. Gaurko finalera Ramon Llul eta Murtzia iritsi dira; eta, Murtzia izan da garaile. Hala, Kantabrian jokatuko den Espainiako finalerako sailkatu dira murtziarrak.
Etxeko taldea
Etxeko taldeak ez du partidurik irabazi, baina esperientzia polita izan dela azaldu digute. Izan ere, txapelketa hauen helburua ikasleak euren artean ezagutu eta esperientzia berriak bizitzea izaten da.
Mondragon Unibertsitateko kirol zerbitzuko arduradunek esan digute pozik geratu direla txapelketa nola joan den ikusita.