Ardoaren kultura gero eta indar handiago hartzen dabil gurean, modan dagoela esan daiteke. Horren adibide da Arrasaten azken urteetan Ardo eta Gazte Egunak izaten duen arrakasta. Aurten, laugarren urtez jarraian antolatuko dute jaia.
Herriko plazan
Goiz guztian zehar Herriko Plazan 19 upategiren ardoak dastatzeko aukera egongo da. Ardoaren feria honetarako, antolatzaileek azokako kita jarriko dute salgai bost euroren truke. Kitak hau dauka: ardo kopa bat Mondrako armarriarekin eta poltsa.
Dirua, txartelak
Gainera, 0,50 euroko bi txartela izango ditu poltsak. Gogoratu azokako dirua txartelak izango direla. Postu guztietan salgai egongo dira 40 txarteleko taloitegiak; baina, bakarka erosteko aukera ere egongo da.
Bestalde, herriko plazan gazta egongo da salgai; eta, 11:00etan gazta lehiaketaren finala egingo dute. Gainera, gazta eta baita txistorra ere dastatzeko aukera egongo da.
ibai arte, laguntzaile
Ibai Arte
Zortzi mila txartel banatuko ditu Ibai Artek bere bezeroen artean ardoa dastatzera joan daitezen zapatuan. Ardoa eta gazta, aste bukaera aste modu ezin hobea.