Gaur goizean, eguena, hasi dira Arbolapetako zuhaitzaren adar arriskutsuenak mozten. Joan den asteburuan zuhaitzaren hainbat adar jausi egin direla ikusita erabaki dute mozketa hori egitea.
Monterrongo zuhaitzak aztertu zituen Gabriel Igiñiz adituaren gidaritzapean eta herritar ugariren begiradapean mozten ari dira zuhaitzaren adarrak; "guztira, zuhaitzaren %25a", argitu du udal teknikari Amaia Aranak. "Gero, hemendik bi urtera-edo, ikusiko dugu zuhaitzak adar berriak botatzen dituenean zela geratzen den, eta horren arabera erabakiko dugu zer egin", gaineratu du.