Obrekin jarraituz, Ferreriasen plaza berria eraikitzen hasi ahal izateko beharrezkoa den lursaila eskuratzeko prozedura abiaraziko dute. Bestela esanda, Kuku-ren atzeko aldeko lursaila eskuratzeko prozedura hasiko dute.
Eta beste gairen bat aipatzearren, etxeko olioa batzeko edukiontziekin lotuta, Udalaren eta Eko3R enpresaren artean sinatutako hitzarmenean aldaketa bat egin dutela jakinaraziko dute.
Esandako moduan, osoko bilkura gaur da, ez-ohiko egunean, ez-ohiko deialdia delako, berez, orain bi asteko eguenean tokatzen zen-eta, urtarrilari dagokion osokoa egitea. Kontuak kontu, gaur elkartuko da udalbatzarra, eta interesa duen edozein joan ahal da osokora, deialdi hori publikoa delako. Hitzordua 19:00etan da.