"Antzerki zaletasuna hezkuntza adierazpen gisa lantzea", horixe da XVIII. Eskola-antzerki Jardunaldiaren helburu nagusia. Eta hori lortzeko, batetik, udalerriko ikastetxeetako neska-mutikoek antzezlanak egingo dituzte ikaskideen aurrean; bestetik, ikasleek Amaia Udal Antzokiko instalazioak bisitatuko dituzte; eta azkenik, antzerki-talde profesionalak ekarriko dituzte Amaiara. 2.289 ikaslek parte hartuko dute ekimenean.
Ikasleek egingo dituzten antzezlanei dagokienez, datorren martitzen eta eguaztenean (apirilaren 22an eta 23an) egingo dituzte saioak, 10:30ean bata eta 14:45ean bestea. Martitzenean, Arizmendiko hainbat ikaslek eta Institutuko ikasleek jardungo dute. Eguaztenean, berriz, Arizmendiko ikasleak (Ferixalekua eta Almen) izango dira protagonista.
Bisita gidatuei dagokienez, berriz, apirilaren 28an eta 29an egingo dituzte. Andoni Zubiaga antzokiko arduradun teknikoaren laguntzarekin bisitatuko dituzte instalazioak.
Bukatzeko, Arrasatera lau antzerki talde ekarriko dituzte: Hortzmuga (apirilaren 30ean), Zirko Iluna lanarekin; Markeliñe (maiatzaren 6an), Kartoibiraka lanarekin; Dar-Dar (maiatzaren 15ean), Eta zer lanarekin; eta Gorakada (maiatzaren 22an), Irudimeneko hiria lanarekin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak