Etxean animaliak izatea, askotan traba izaten da oporretara joateko. Animalia eramaterik ez baduzu eta ez baduzu norekin utzi, zaila izaten da oporraldia antolatzea. Horregatik, Arrasaten dagoen "animalien hotela" zerbitzu ezin hobea da opor sasoi honetarako. Mari Kruz Kortabarriak azkeneko 19 urteetan dihardu aipatutako zerbitzua ematen Arrasate Zoo dendan. Animali txikiak hartzen ditu; besteak beste, katuak, txoriak eta untxiak. Garbitzea eta zaintze da bere lana.
Orain 18 katu dauzka dendan, dozena bat txori, hiru dortoka eta untxi
eta katagorri bana. Esan digu komeni dela aurrez deitzea lekua eskatzeko; izan
ere, katuendako kaiolak libre egon behar dute. Txoriak, ostera, etxetik
ekarritako kaiolan egoten dira.
Gero eta jende gehiagok eskatzen du zerbitzua
Urtetik urtera gero eta jende gehiagok eskatzen duela zerbitzua azaldu
digu. "Gainera, krisia dela-eta ez dut prezioa igo eta iazko berari eusten diot", dio.
Ez ditu txakurrak hartzen
Txakurrendako lekurik ez daukanez, Mari Kruzek ez ditu txakurrak
hartzen: "Leku handiagoa behar dute, eta gainera kalera atera behar dira; horregatik, ez ditut txakurrak hartzen".
Etxekoak bezala dira
Hotelean ezin hobeto zainduta egoten dira animaliak, hortaz. Mari
Kruzendako etxekoak dira, azken finean. Animaliek, baina, gogotsu itxaroten
dute jabearekin elkartzeko unea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
