Bat etorri da, hortaz, Rodriguez EBko Presidentziako bozeramaile Mikel Aranak esandakoekin. Euskadi Irratian azaldu duenez, Rodriguez bera eta Joseba Ugalde ez daude EBtik kanpo – "estatutuen arabera jokatu zuten" – baina Aranak argi utzi nahi izan du Ezker Batuaren zuzendaritzak ez duela Arrasateko hiru zinegotzien erabakiarekin bat egiten, baina alderdiaren estatutuak udal taldeei horrelako erabakiak hartzeko ahalmena ematen diela esan du. Nolanahi ere, maiatzaren 31an eta ekainaren 1ean egingo duten Biltzar Nagusian estatuak aldatuko dituztela azpimarratu du.
Gaspar Llamazares IUko koordinatzaile nagusiak goizean esan duenez, Arrasateko Ezker Batuko hautetsiak alderditik kaleratu dituzte, atzoko osoko bilkuran PSEk eta EAJk aurkeztutako mozioaren alde ez bozkatzeagatik. Llamazaresen hitzetan, atzo Arrasateko udaletxean gertatu zenak "ez dio mesederik egiten demokraziari eta alderdi politiko demokratikoen porrota baino ez du irudikatzen". Llamazarasen hitzei erantzunez, Ander Rodriguez EB-Zutikeko Arrasateko zinegotziak esan du eurak ez daudela IUra afiliatuta, Ezker Batuara baizik.