Gaineratu dute ETAren indarkeriarekin amaitzeko bidea “eskubide eta askatasunak urratzea eta irtenbide politikoaren alde apustu egiten dutenak isilaraztea” dela pentsatzen dutenek “akats larria” egiten dutela, eta horrek “gure herriari samina besterik ekarriko ez” diola.
"Guztiak ez du balio"
Berretsi dute, “ETAren kontra guztiak” ez duela balio. Eta salatu dute “euren buruak demokrata moduan autoinbestitutako haien hipokresia”, eskubideak “mugatuz eta medioak bidegabe erabiliz demokrazia degradatu” egiten dutelako.
Azpimarratu dute, baita ere, “elkarrizketaren, demokraziaren eta Herri honen borondatearen errespetuaren alde apustu egiten segitzen” dutela, “Euskal Herrian bake iraunkorra lortzea berma dezaketen oinarri bakar” moduan.
Bukatzeko atxilotuak askatzeko eskatu dute eta Alderdien Legea bertan behera uzteko, “ETAren jardunarekin batera, Euskal Herriko bizikidetasunaren eta demokraziaren kontrako zuzeneko erasoa” delako.