Ezker Batuak, gainera, prentsa agerraldia egin du alegazio horien berri emateko.
Ezker Batuaren eskaerak
Joseba Ugalde zinegotziaren esanetan, proiektu horrek ez du ez bururik ez-eta hankarik. Hiru multzotan batu ditu Ezker Batuak alegazioak eta baita eskaerak.
- Egitamu orokorrean aldaketa egitea eskatzen du Ikutixo lur eremu ez urbanizagarria izateko.
- Olandixoko tuneletik ateratzen dituzten lur soberakinak Muxibarreko zabortegira eramateko eskaera egin du.
- Horrelako zabortegiak kokatzeko ibarretik kanpo dauden lekuak topatzeko aukerak kontuan hartzeko eskatu du.
Osasunaren kaltegarri
Ezker Batuaren esanetan, ingurumenaz gain, gizakion osasuna dago jokoan. Etorkizuneko belaunaldiei begira, horrelako zabortegiak kaltegarriak direla argudiatu dute zinegotziek; Arrasate iraunkorraren guztiz kontrakoak.