Atzoko osoko bilkuran aho batez onartu zenez, errehabilitazioa psikosozialerako zentro bat zabalduko da Erguin kaleko 19. zenbakian. Aldundiko Gizarte politikako departamenduak egin zion eskaera Udalari eta Udalak, eskaera aztertu ostean, Erguin kaleko 19. zenbakian kokatuta dagoen lokala aukeratu zuen leku apropos moduan.
Aldundiak bere gain hartuko du aipatu eguneko osasun mentaleko zentroaren kudeaketa. Atzoko plenoan onartu zenez, lokalaren lagapena 25 urterako izango da. Gainera, bi aldeek ondo ikusten badute, hamar urtez luzatzeko aukera izango da. Udalak dohain utziko dio Aldundiari 400 metro koadro dituen Erguineko lokala, eta Aldundiak errehabilitazio psikosoziala helburu duen ekimenetarako bakarrik erabili ahalko du egoitza.
Bestalde, Aldundia Gipuzkoako hainbat udalerritan ari da arazo mentalak dituzten pertsonendako zentroak egokitzen. Hala, Arrasaten zabalduko denak arrasatearrei zein bailarako herritarrei eskainiko die aipatu zerbitzua.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak