Alderdiko zinegotzien aurkako eraso eta mehatxuak salatu ditu EAJk

Eusko Alderdi Jeltzaleak salatu du Gipuzkoan, alderdiko zinegotziak, afiliatuak eta alkateak, eraso, mehatxu eta pintaden biktima izaten ari direla. EAJren Gipuzkoako exekutiba Gipuzku Buru Batzarrek aditzera eman du, eraso horiek udalerri ezberdinetan gauzatzen ari direla; horien artean Donostia, Tolosa eta Arrasate aipatu ditu. Horretaz gain, hainbat batzoki eraso dituztela ere jakinarazi du Gipuzku Buru Batzarrek.

Arrasaten, Luis Mari Apraiz zinegotziaren autoaren erretzea, eta herriko jaietan, San Juanetan, herrian ipini dituzten EAJ alderdiaren kontrako kartelak izan dira salaketaren iturburua.

Eraso horien aurrean, EAJk esan du, alderdiaren ildo estrategikoak berdina izaten jarraituko duela, eta giza eskubideen defentsan eta Euskadiren errekonozimendu eskubidearen defentsan eta eskubide kolektiboen defentsan lanean jarraituko duela.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.