Eta parke kontuekin segituz, beste proposamen bat ere aztertu beharko du gaur udal gobernuak. Hain justu ere, Aldain parke publiko bat sortzeko urbanizazio proiektua aztertuko dute gobernu-kideek.
Horrez gainera, eta obra kontuekin segituz, Abaroa erretiratuen egoitza berria eta San Andresko alkatetza berria eraikitzeko egitasmoarekin ere aurrera egingo dute gaurko batzarrean.
Bestalde, Alde Zaharrera etorrita eta Alde Zaharreko zenbait gunetan labaintzeko arrisku handia dagoela ikusita, tratamenduren bat egitea aztertuko dute gaur arratsaldeko batzarrean.
Dirulaguntzei dagokienez, berriz, Euskara Sailean errotulu, irudi korporatibo eta web guneak euskaraz jartzeko jasotako eskaerak aztertuko dituzte; baita ere, Eusko Ikaskuntzak euskara gure herrian egitasmorako egindako eskaera.
Horrekin batera, gizarte gaien arloan lan egiten duten talde eta erakundeen artean eta udalerriko erretiratu elkarteen artean dirulaguntza banaketa aztertuko dute eta gauza bera egingo du Emakume Bagtzordeak.
Bestelako gairen bat aipatzearren, aurtengo guraso eskola abiarazteko proposamena ere aztertuko dute.