Gobernu zentralaren E planarekin finantzatuko duten Arrasateko beste obra handi bat da Aldaiko parke berria. Dezente aurreratuta dituzte lanak. "Dagoeneko ez dauka batere kanposantu itxurarik", diote, Hirigintza Sailetik.
Hori horrela, obra aurreikusitako eperako bukatuko dutela pentsatzen dute udal ordezkariek. Hau da, urriaren amaierarako bukatuko dutela.
Obretako semaforoa
Bestalde, parkera igotzeko aldapan, hau da, errepidean obretako semaforoa ipini dute asteon, zirkulazioa txandaka bideratzeko; izan ere, Obenerrekako aldapan espaloiak handitu egin behar dituzte eta lan hori egiten ere badabiltza oraingo asteaz geroztik.