Gaur (domeka), adibidez, gustura asko pasa dute elkartearen Arrasateko egoitzan dantza erregionalak ikusten. Eta atzo, besteak beste, Barakaldoko Hijos de Almachar kultura elkartekoak izan zituzten bisitan eta gauean afari jendetsua egin zuten.
Etxerik zaharrena
Al-Andalus elkarteko ordezkariek jakinarazi dute 350 bat bazkide dituela gaur egun Al-Andalus elkarteak, eta "500 bazkide izatera ere iritsi" direla, gehienak Montillakoak (Kordoba). Eta ez hori bakarrik, elkarteko ordezkariek gehitu dute "Andaluziako Batzordeak EAEko etxe onenetakoa bezala ere izendatu" duela Arrasatekoa, gehitu dute elkarteko ordezkariek. Gipuzkoako etxe andaluziar zaharrena da Arrasatekoa.
Baina horrekin batera, "erreleboa" behar dutela ere argi dute, bereziki jakinda elkarteko oraingo bazkideen %60 nagusiak direla.
Ospakizun gehiago
Urteurreneko ospakizunak eginda, otsailaren 28an Andaluziaren Eguna ospatzeko prestatzen dabiltza orain. Arrasateko ordezkariekin batera, Andaluziakoak ere etorriko direla espero dute.