Aitor Lopez Rekartek Eibar taldean jokatuko du ekainera arte

Gaur bertan izan du lehen entrenamendua, eta, gainera, titularren taldearekin egin du lan-saioa Arrasateko jokalariak. Hedabideei egindako adierazpenetan esan du "gogotsu" eta "ilusioarekin" dagoela. Realeko eta Almeriako jokalari ohia fitxa barik zegoen, eta orain, Txiki Akazek utzitako fitxa beteko du arrasatearrak. Hala, atzo, martxoak 18, eman zuen aditzera Eibarrek Lopez Rekartek ekainaren 30era arte jokatuko duela taldearekin.