Prentsa oharra bidali dute Aita-Menniko enpresa batzordetik jakinarazteko "hamar hilabete daramatzatela negoziaketetan eta oraindik ez dutela akordiorik lortu 2008ko enpresa hitzarmenerako".
Labur esanda, Aita-Menni ospitaleko enpresa batzordeak eskatzen duena da pareka ditzatela Arrasateko ospitaleko langileen baldintzak sektore publikoan diharduten langileen baldintzekin.
Adibidez, salatzen dute Aita-Menni ospitaleak zerbitzu publikoa eskaintzen duen arren, hango langileen soldatak “oso urrun” daudela Osakidetzako soldatengandik.
Urteko lan ordu kopurua ere 54 ordutan jaitsi gura dute sektore publikokoekin parekatzeko. Eta horrez gainera, soldata plusetan hobekuntzak eskatzen dituzte, hau da, jai-egunetako plusetan, gaueko plusetan eta halakoetan. Eta baita ere baimenak eta halakoak eskuratzeko orduan.