Arrasateko Zarugalde kalean zegoen autoa aparkatuta. Ertzaintzaren arabera lehenengo autoko kristalak hautsi dituzte erasoa egin dutenek eta gero suziria bota dute autoaren barrura. Momentu horretan herritar batzuk azaldu dira eta erasotzaileek alde egin dute lekuan bertan gasolinazko ontzi bat lagata. Ertzaintzaren ustea da autoa erretzeko asmoa zutela erasotzaileek.
Ertzaintzak ikerketa hasi du erasoa egin dutenak aurkitzeko.
Aurrera egingo dute AHTren lanekin
Eusko Jaurlaritzak eta Herrizaingo Sailak autoaren jabeari eta AHT eraikitzeko lanetan ari direnei elkartasuna adieraziz kaleratu dute oharra. "Ekintza biolentoa" gaitzetsi dute eta nabarmendu dute "inongo zalantza barik" aurrera jarraituko dutela "Euskadiren etorkizunerako ezinbestekoa den obra publiko hau" eraikitzen.