AHTak eragindako kaltetuek bilera egingo dute bihar

Datorren zapatuan, hilak 19, AHT-ak gure ibarrean eragingo dituen kaltetu guztiekin bilera baterako deia luzatu dute herri kaltetuetako alkateek. Bilera zabala izango da, 10:00etan, kulturaten, eta nahi duten herritar guztiak joan ahalko dira. Antolatzaileek, bilerara joatearen garrantziaz ohartarazi gura dituzte herritarrak.

Angiozarko auzo alkateak, Antzuola, Aramaio, Arrasate, Bergara, Eskoriatza eta Leintz Gatzagako alkateek zapaturako, hilaren 19rako, AHT-ak eragingo dituen kalteen  gaineko informazioa, eta horren aurrean kaltetuek dituzten eskubideen berri herritarrei emateko bilera baterako deia egin dute.

Antolatzaileek, AHT-aren trazatua inguruan duten guztiei gomendatzen die bilerara azaltzeko, eta ez bakarrik desjabetzak dituzten herritarrei. Bertan, alkateek duten informazio guztia helaraztea da helburuetariko bat.
 
Eta, aipatutako herri bakoitzeko ordezkari bana ere izango da.
Bestalde, atzo, Abiadura handiko trenaren aurkako elkarretaratzea egin zuten Eskoriatzan. Abiadura Handiko trenik ez, inposaketarik ez zioen pankartaren atzean elkartu ziren hainbat herritar, AHT-ak eragingo dituen kalteen aurrean erantzun beharra dagoela esan zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.