Hegoaldeko sarbidea da zulatzen hasi direna. 3.160 metrorekin, Udalatxekoa izango da AHTren sareko tuneletan bigarren luzeena. Errail bikoitza izango du tunelak.
2012 hasierarako
Gasteiz-Bilbo adarrean dago kokatuta Arrasate-Elorrio zatia. 4.400 metro ditu, eta hauetatik 3.600 dira guztira lurpekoak. Zati honek 33 hilabete eta erdiko exekuzio epea du. Martxoan hasi ziren lanak, eta aurreikuspenak betetzen badira 2012 hasierarako amaituko dituzte. Mikel Cabieces Espainiako Gobernuak erkidegoan duen ordezkariak adierazi du Gasteiz-Bilbo adarrak dituen 90 kilometroetatik 54tan hasi dituztela lanak dagoeneko.