Elkartea zer den azaldu eta alzheimer eta bestelako dementzien gaixoak zaintzen dituztenek laguntza nola jaso dezaketen emango dute aditzera. Izan ere, halako kasuetan gaixoa ez da erabat jabe gertatzen zaionaz, eta Lucerok adierazi duenez, gaixoa zaintzen duenaren "inplikazio eta ezagutzaren araberakoa" izango da gaixoaren bizi-kalitatea. Egunero ondoan dagoena da gaixotasuna pairatzen duena.
Hala, Lucerok honakoa gaineratu du: "Gure helburua gaixoa zaintzen duena zaintzea da eta ekitaldian zaintzaileak egoerari nola aurre egin dakiokeen azaltzen saiatuko gara". Ekitaldian Koldo Aulestia AFAGIko presidentea eta Maria Victoria Lucero elkarteko psikologoa izango dira.
Elkarteko kide egiteko deia
Bestalde, Lucerok gaixotasunarekin batera bizi direnei AFAGIko kide egiteko gonbita egin die: "Doakoa da, eta modu pertsonalizatuan egiten dugu lan".