Ekitaldiari hasiera emateko, hitzaldia egin zuen Fernando Morillo idazleak eta, segidan, AEDk antolatzen dituen Arrasate Literatura Lehiaketetako sariak banatzeari ekin zioten. Ipuin, poesia, bertso paper eta komikiaren ataletan banatu zituzten sariak.
Ikusitakoa ikusita, pozik agertu zen AEDko lehendakari Eñaut Muxika: "Jende asko batu da Kulturateko areto nagusian. Eskertzekoa da ikustea, oraindik ere, kulturak eta literatura lehiaketek jende asko erakartzen dutela". Lanen kopuruak gora egin du, batez ere, komikian, eta bertso paperean 95 lan aurkeztu izana ere ez da marka markala, Muxikaren esanetan. Ikastetxeekin izandako elkarlanak fruitu onak eman dituela ikusirik, datorren urtean ere deialdia euren bitartez egiteko asmoa agertu dute antolatzaileek.