AED Elkartearen urteurrena ospatzeko hiru mahai inguru antolatu dituzte, hainbat esparrutan euskararen egoera aztertzeko. Eguaztenean hasi ziren mahai inguruekin, hain zuzen gazte ekimenetan euskarak bizi duen egoera aztertuz. Hurrengo bietan gizarte mugimenduetan eta lan munduan euskarak duen egoera aztertuko dituzte.
Mahai inguruen helburu nagusia da euskararen egoera zein den azaltzea. Hurrengo hitzaldiak maiatzaren 14an eta 21ean izango dira. Hurrengo eguazteneko mahai inguruan, gizarte mugimenduetan euskarak bizi duen egoeraren gainean egingo dute berba Topaguneko Jasone Mendizabalek, AEK-ko Oskar Elizburuk eta Euskal Herrian Euskaraz elkarteko kide batek.
Gainera, maiatzaren 21ean, lan munduan euskarak duen presentzia aztertuko dute. Hain zuen, Emun-eko ordezkari Dani Larreak eta Elhuyarreko ordezkari batek egingo dute berba. Azkeneko hitzaldian, zehaztu barik duten hirugarren lagun batek ere parte hartuko du.
Bi mahai inguruak Kulturateko areto nagusian egingo dira, 19:00etan hasita, eta irekiak dira herritar guztiendako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
