Abenduaren 23ko gospel kontzerturako sarrerak salgai
Maider Arregi
2007ko urr. 26a, 18:24
New Orleanseko Joyful Gospel Choir taldearen gospel kontzertua abenduaren 23an Amaia antzokian izango da, 20:00etan. Sarrerak bihar, urriaren 27an, jarriko dira salgai. Sarrerak 20 euroko prezioa dauka.
New Orleans jazzaren eta bluesaren hiri gisa da ezaguna. Bertakoa da Joyful GospelChoir taldea. Gospel tradizionaleko talde honek kontzertu alaiak eta bikainak ematen ditu. Hala, 90eko hamarkadan AEBetan makina bat kontzertu eskaini zituzten. Orain arrakasta Europako hirietara ekarri dute.
Taldeak, artista handiekin parte ahrtu du. Besteak beste, Yolanda Adams, Thelma Houston, Bryan Adams, Earth Wind and Fire, Stacy Latisaw, Dougie Fresh, Harlem Gospel Singers edota Kirk Franklin bezalako artistekin.
Abesti ugari
Eskainiko dituzten abestien artean hauek: Down by the Riverside, Amazing Grace, Oh Happy Day, Stand By Me, This little Light of Mine, Kum By Ya, Glory, Glory, Hallelujah, Walk with me, The Old Rugged Cross. Gabonetako abestiak ere abestuko dituzte.
