Abenduaren 20a mobilizazio eguna deitu du Debagoieneko Askatasunak

Debagoieneko Askatasunak, atzo, abenduak 12, eman zuen prentsaurrekoa Irati tabernan. Bertan, Iñaki de Juana, Gatza eta Unai Parot preso politikoen egoera salatu zuten. Euskal Herrian oinarrizko eskubideak ez direla errespetatzen ere salatu zuten.

Autodeterminazioaren alde, baldintza demokratikoak orain! lelopean abenduaren 20an mobilizazio eguna  deitu du Askatasunak.
Bigarren gose greban, de Juanak gaur 36. eguna beteko du. Atzoko prentsaurrekoan gogor salatu zuten de Juanaren egoera. 18/98 eta euskal gazteriaren aurkako epaiketak "interes politiko hutsak" direla ere adierazi zuten. Honi, egun euskaldunez osatutako hainbat erakundek ilegalak izaten jarraitzen zutela gogorarazi nahi izan zuten.


Bake prozesurako beharrezko ikusten diren baldintza demokratikoak Espainiako Gobernuak urratu egiten dituela ere adierazi zuen Askatasunak. Bestalde, prozesuari irtenbidea bilatzeko borondatea badutela nabarmendu nahi izan zuten Askatasunako kideek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.