Iazko akta eta kontuak onartu ostean, 2007ko jardunaldiaren gainekoak landu zituzten Abaroako bazkideek batzar orokorrean. Tartean, 40. 958 euroko aurrekontua onartu zuten, gastuetarako. Hortik, mantenurako 19.945 euro erabiliko dituzte, eta 21.013 euro, urteko ekintzetarako: txangoak, gimnasia, eskulanak, dantzaldiak, joskintza, jaiak, karta jokoak eta pertsona nagusien omenaldia.
Abaroaren lekualdaketa
Horrez gainera, erretiratuen egoitzaren lekualdaketa ere berbagai izan zuten egueneko batzarrean. Halaxe adierazi du Abaroako idazkari Jose Rivierek. Hala, bazkideei jakinarazi zieten dagoeneko ia bukatuta dutela arkitektoek Abaroa berriaren proiektua. Hori bai, oraindik udalbatzarrak onespena eman beharko dio, eta gero, lanak esleitu egin beharko dituzte; horrenbestez, prozesuak luze jo dezakeela ere nabarmendu zuten. Edozelan ere, Iturbideko obrak uda ostean hasi behar dituztela kontuan hartuta, obra horiek Abaroan eragina izan baino lehen lekuz aldatu beharko lituzketela pentsatzen dute Abaroako bazkideek.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
