Abaroa berriko tabernak badu arduraduna: Agurtzane Urizar

Jokin Bereziartua Lizarazu 2010ko ira. 13a, 12:53
Abaroa berriko taberna zerbitzua ustiatzeko eskubidea esleitzeko proposamena aho batez onartu du udalbatzak. Aho batez eta inongo eztabaida barik onartu da goizeko 09:00etan egin den osoko bilkuran. Hala, datozen egunotan jakingo dugu Etxaluze eraikinaren irekiera data, izan ere, taberna zerbitzua nork ustiatuko zuen jakitea ezinbesteko baldintza zen erretiratuendako egoitza berria zabaltzeko.

Taberna ustiatzeko eskubidea lehiaketa publikora deitu zutenean, Udalak bederatzi  proposamen jaso zituen, bederatzi herritarren eskaera. Eta zerbitzua esleitzeko irizpide ezberdinak hartu dituzte kontutan. Lau irizpide hartu ditu aintzat Udalak, hain zuzen: gaitasun profesionala, euskararen ezagutza, giza egoera eta Arrasaten bizitzea. Adibidez, gaitasun profesionala neurtzeko froga praktikoa egin zuten joan den ekainaren 15ean, Gasteizko Gamarra Ostalaritza eskolan.

Froga ezberdinak egin ostean, Agurtzane Urizar Murgoitio aukeratu dute tabernaz arduratzeko. Urizar izan da baldintzok hobekien bete dituena, Udalaren ustez. Beraz, Abaroa berriaren irekiera data datozen egunotan jakingo dugu. Amaitzear da larregi luzatu den itxaronaldia.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak