Biark Studio arkitekto enpresak aurkeztu dio Udalari Abaroa berriarendako pentsatu duten diseinua eta onartu ere egin du Gobernu Batzarrak. Hori horrela, exekuzio proiektua egin eta hura onartu bezain laster has daitezke eraikitze lanak egiten.
Diseinu berritzailea aurkeztu dute, espazioei zabaltasunik handiena emateko eta energia berriztagarriak lantzeko "horregatik du teilatuak itxura hori, eguzkiaren energia aprobetxatzeko". Bestalde, "herriari begira" egongo den eraikina izango da, "orubetik aterako da, herrira begira".