9.000 euro eskuratuko ditu gaur, Monte tabernako porraren irabazleak

Espainiako Itzulia amaituta, gaur (eguaztena) iluntzeko 19:00etan banatuko dituzte Monte tabernan, azken itzuliko sariak. Lehenengo saria, 9.000 euro, Donostiara joango da; bigarrena, 5.600 euro, Oñatira eta hirugarrena, 2.800 eurokoa, berriz, Arrasaten geratuko da. Guztira, 752 lagunek hartu dute parte; eta Euskal Herriko lehiakideez gain, Valentzia, Malaga, Madril eta Txekiako Errepublikakoak ere izan dira aurten.