"Herritarrek sekulako interesa azaldu dute, hitzaldien parte-hartzean garbi azaldu da". Oihana Aranburu Kultura zinegotziaren hitzak dira, eta 750. urteurreneko hitzaldi zikloaren erantzunaz Udala pozik dagoela adierazten dute. Aranburuk gaineratu du "gure herriari buruzko informazio historiko gehiago" ematea zela helburua eta, dioenez, "ahalbideratu da". Hitzaldiak euren artean "oso ezberdinak" izan dira, eta Aitzol Altunak eskaini zuen 1200. Lurraldetasunaren galera nabarmendu du zinegotziak: "Hainbat argipen eman zituen, euskaldunontzat ezkutuan egon direnak". Toti Martinez de Lezeak ere Kulturate lepo bete zuen.
Sakontzen jarraitzeko asmoa
Arrakasta ikusita, herriko historian sakontzen segitzeko asmoa du Udalak: "Ekitaldien berri ematen joango gara baina gaurtik gonbidapena luzatzen dugu". Beste herrietako esperientziak eta herritarren ekarpenak izan ziren Udalaren abiapuntuak hitzaldiak antolatzerakoan: "Dinamika aberasgarria izan da, etorkizunean indartu beharrekoa", dio Aranburuk.