7 Emakume En Movimiento elkarteko lanak ikusteko aukera Emakume Txokoan

Ondarroako 7 Emakume En Movimiento elkarteko kide diren Josune Laka eta Gotzone Eluk erakusketa zabalduko dute urriaren 25etik azaroaren 5era arte, Emakume Txokoan.

Lakak ordenagailuz egindako koadro batzuekin osatutako horma-irudia jarriko du eta erakusketak berak ere 7 emakume en movimiento du izena. Azaldu duenez, feminismoaren aldeko erakusketa da, "emakume sortzaileak aldarrikatzeko murala". Bost metro luze izango ditu.
Bestalde, Eluk 13 argazki inguru erakutsiko ditu Kresala eta garoa deitu duen erakusketan. Eguenetan arratsaldez eta egubakoitzetan goizez bisitatu ahalko da.

Laka eta Elu aspalditik dira lagunak eta bi urtean behin erakusketak antolatzen dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.