48 ordu geratzen dira bakarrik Ferrerias kaleko jaiak has daitezen

Heldu dira. Aurten ere Ferrerias kaleko jaiek ez dute hutsik egingo. Etzi, domeka, izango dira. Hala, egun osoan zehar alde zaharreko kale mitikoan festa giroa izango da nagusi, arratsaldetik goizaldera arte. Antolatzaileek urteroko egitaraua prestatu dute.

Ferrerias kaleko jaietako ekitaldi arrakastatsuena kalean bertan egiten den afari herrikoia izan ohi da. Antolatzaileek 70 lagun inguru biltzea espero dute. 
Afariak luxuzko menua izango du: hasierakoak, bakailoa, sahietsak, goxua, kafea eta kopa. Sarrerak Tamayon daude salgai, 20 eurotan –jubilatuendako 18 euro–.

EGITARAUA

9:00 Etxafleroak. 
12:00 Txistularien kalejira. 
17:00 Haur jolasak: zaku lasterketa, txokolatada... 
19:00 Txistularien kalejira. 
19:00 Herri poteoa. 
19:00 Umeendako lasterketak eta jokuak. 
19:00 Ferrerias kaleko hildakoen aldeko meza parrokian
21:00 Herri afaria
23:00 Dantzaldia

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.