Eduki hau partekatzeko esteka arbelera kopiatu da.
Beste urte batez, Arizmendi ikastolak udalekuak antolatu ditu adin guztietako ikasleentzat. Euskal Herriko hainbat txoko ezagutuko dituzte kanpoan egongo diren egunetan. Gaur esaterako, haur hezkuntzako umeak irten dira Garesera, guztira 30 bat lagun. Maila edota ziklotan banatuta, batzuk Acedora, beste batzuk Otsagira, besteak Zurizara… Esandako moduan, Euskal Herriko eta Pirinioetako bazterrak ezagutuko dituzte. Ikasle zaharrenek gainera, Euskal Herriari itzulia bizikletaz egiteko aukera izango dute. Guztira 400 ikasle inguruk hartuko dute parte, Arizmendik aurten antolatu dituen udalekuetan. Arizmendi ikastola osatzen duten eraikin desberdinetan dagoen jendeak elkar ezagutzea da helburuetariko bat.