240 neska-mutiko irtengo dira zapatuko Haur Danborradan

Danbor hotsek ez dute etengo diren itxurarik. Danborrada antolatzen bizitza erdi daraman Jesus Mari Egidazuk Haur Danborradak "gutxienez" 30 urte bete dituela dio eta urte batzuetako beheraldiaren ondoren, azken urteetan gero eta haur gehiago irteten direla adierazi du. Aurten 240 neska mutiko irtengo dira, eta zazpi konpainia.

Besteak beste, barrileroak, barrilerak, danbor-joleak –eskoziarrak, soineko berdedunak eta soineko urdindunak– eta kantinerak. Horiez gain, umezaintzako haurrak ere irtengo dira. Desfilea 19:00etan irtengo da Zaldibarretik.

Udaletxetik San Viatorrera
Maiatzaren 8an hasi ziren entseguekin. Bada, Egidazuk gogoratu du lehen urteeetan entseguak udaletxeko goiko solairuan egiten zirela. Hortik San Frantziskotarren klaustroetara pasa ziren; bertan hainbat urtez egin ziren. Azken urteetan San Viator Handin –Gaztelupe gunea da egun– egiten dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.