Atzo, apirilak 23, egin zuten AED elkarteak antolatzen dituen Literatur
Lehiaketen sari banaketa ekitaldia. Aurten iaz baino lan gehiago jaso
ditu euskara elkarteak, 127 guztira: 45 ipuin, 63 bertso paper, 18
poema eta hiru komiki, hain zuzen. Antolatzaileek euren poza adierazi
zuten jasotako lan kopuru dela-eta, are gehiago, edizio honetan AEDren
25. urteurrena dela-eta euskara gai moduan jartzeak "parte hartzaileen
sormen lana zertxobait zaildu" duelako.
22 urte bete dituen edizio honetan Unai Bergaretxek, Miren
Arizmendiarrietak, Larraitz Trojaolak eta Joxerra Agirreurretak osatu
duten epaimaihaiak 23 gazte saritu zituzten –irudian, sarituak–; sari
ekonomikoa eta diploma eman zieten. Ondoren, luncha izan zuten.