Egubakoitz iluntzea; 20:30ak jotzear; plazako argiak itzali dira; jendeak garrasi. Plazako argiak itzali dira, eta Maritxu Kajoiren aldareko suziriak piztu. Plaza betea dago, goitik behera jendez. Txaranga Maritxu nora zoaz ari da jotzen; eta plaza saltoka, plaza guztia saltoka, hasi aurretik eta atzera. Suzirien kea mirarian lagun; kajoian, ke artean ezkutatu da Ama Birjina, eta Marijaia azaldu.
Komisiñuak jai herrikoien aldeko aldarria egin gura izan du aurtengo festan.
Komisiñoko kide Haritz Zubiateren arabera, udaberrian beste herri batzuetako jai batzordeekin batera egindako bileran sortutako ideia jarraituz, eta ikusita “hainbat eraso” zeudela, Maritxu Kajoi egunean ere 'eskapularixoan' Jaiak bultzatuz leloa jartzea erabaki zuten.
Bi lagun gogoan
Jaia bultzatu, eta egin egin zuten arrasatear eta kanpotik etorritakoek; jaia egin, baina ez daudenak gogoan izanda, batez ere bi lagun: azken urtebete honetan hildako Joseba Iglesias eta Joxepa Arregi.
Haiek gogoan, giro ederra izan zen egun osoan Arrasateko kaleetan. Goizetik atera zen jende ugari, txikiteoa eta bazkaltzeko elkartu. Iluntzean, herriko konpartsa txikiak eta txarangak girotu zituzten bazterrak, eta handik aurrerakoak... bakoitzak jakingo du berea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
